Metodologia
Enpresa Berrikuntzako eta Proiektu Zuzendaritzako Masterra irakaskuntza aktiboan oinarrituriko ikuspegi metodologikoaren integrazioan oinarritzen da, ikasitako trebetasunak garatuz, aplikatuz eta praktikan jarriz.
Jarduera horiek guztiek honako hau dute helburutzat: ikasleari laguntzea eta harekiko interakzioa erraztea, banakako gaitasunak eta autonomia garatu dezaten, talde-lanera bideraturiko ingurune batean lidergoa eta erantzukizunak hartzea sustatzen duten gaitasunak eta trebetasunak garatzen dituzten hein berean.
- Azalpen Teorikoa “ezagutza egituratua”: azalpen teorikoaren bidez ezagutza berriena eta erreferentziazkoa egituratzen da masterreko hiru arloetan: operazioen zuzendaritza, proiektuen kudeaketa eta berrikuntzaren kudeaketa estrategikoa.
- Profesionalen aurkezpenak “enpresaren garrantzia”: enprese garrantzitsuetako profesionalek egiten dituzten aurkezpenen bidez hainbat praktika on azalduko dira. Bateratze-lanak eta hausnarketa kritiko batek ezagutza sortzea ahalbidetuko du.
- Kasuen azterketa: ikasleek jasotako ezagutzak praktikan jarriko dituzte kasu errealen azterketa eginez, eztabaidatuz eta irtenbideak proposatuz.
- Proiektu-arazoetan oinarritutako ikaskuntza “PBL”: kurtsoan zehar, parte hartzaileek taldeetan lan egiten dute planteatzen zaizkien proiektu-arazoak prestatzeko, aztertzeko, irtenbideak emateko eta aurkezteko.
- Irakaskuntza aktiboko beste metodo batzuk : ikasleek simulagailu, mahai joko edo role playing-aren bidez banakako zein taldeko ezagutza eta trebetasunak garatuko dituzte.
