Sartzeko betekizunak

Mekatronikako Ingeniaritzan sartzeko betekizunak

Mekatronika ardatz duen ingeniaritza hori ikasteko asmoa baduzu, irakurri baieztapen hauek eta aztertu ea bat zatozen:

Berritzea

Prototipo berriak egitea gustatzen zait, esperimentatzea, berritzailea izatea.

Muntatzea eta arakatzea

Gauzek nola funtzionatzen duten jakitea gustatzen zait, mugimendu berriak ezagutzea; gailuak muntatzea, desmuntatzea, arakatzea, piezak ateratzea…

Lantaldea

Ondo moldatzen naiz diziplina anitzeko taldeetan, eta ez dit beldurrik ematen haien buru izateak.

Robotika eta automatismoak

Gustatzen zait roboten mundua, eta nola funtzionatzen duten jakin nahi dut.

Aljebra

Erraztasuna daukat zenbakiekin jarduteko, eta ongi moldatzen naiz matematikan eta fisikan.

"Bat al zatoz adierazpen horiekin? Bai? Orduan, Ingeniaritza Mekatronikoko Gradua aukerarik egokiena da zuretzat."

Bi bide izango dituzu gradu hori ikasteko

Batxilergoa ikasi edota goi-mailako Lanbide Heziketako ikasketak egin ondoren.

Batxilergoa ikasi duzu

Egokiena Zientzia eta Teknologiako Batxilergoa ikasi izana da. Garrantzitsua da Fisika eta Matematika ikasgaiak eman izana eta Marrazketa teknikoa eta Industria-teknologiak edo Kimika ikasgaiak ere gomendatzen dira.

Goi-mailako Lanbide Heziketa ikasi duzu

Askoz hobeto Mekatronikaren alorreko Lanbide Heziketako graduren bat egin baduzu; esate baterako, Mekatronika Industriala edo Automatizazioa eta Robotika.

Hemen duzu ikusgai kredituak aitortzeko eta transferitzeko sistemaren esparru araudia.

Lanbide Heziketako titulazioren bat baldin baduzu, hiru urtean eskura dezakezu unibertsitate-graduaren titulua, graduaren bigarren ikasturtea baliozkotu egingo baitizute. Uztailean eta irailean, gainera, laguntza-ikastaro bat izango duzu matematika eta fisika lantzeko.

Eskaintzen diren lekuen % 50 Lanbide Heziketako goi-mailako titulu ofizial hauetakoren bat dutenentzat gordetzen da:

Instalazio eta Mantentze-lanen atala
- Mekatronika Industriala
Elektrizitate eta Elektronika atala
- Automatizazioa eta Robotika Industriala
- Sistema Elektroteknikoak eta Automatizatuak
- Mantentze-lan elektronikoa
Fabrikazio Mekanikoa atala
- Fabrikazio mekanikoko ekoizpenaren programazioa
- Fabrikazio mekanikoaren diseinua
- Eraikuntza metalikoak

Prozesu hori burutu behar duzu Ingeniaritza Mekatronikoa ikasten hasi aurretik.

Sartzeko betekizun orokorrak

Notak eta onarpen-probak

Onartzeko prozesua

Hizkuntza-betekizunak

Inskripzioa eta matrikula

80 plaza (campus guztiak barnean hartuta)

Graduko irakasgaiak

Proiektu Mekatronikoa
Sistema Mekatronikoak Muntatzeko Laborategia
Produkzio Ekipamenduen eta Sistema Automatizatuen Ingeniaritza
Industria Automatizazioa

Instrumentazioa eta Kontrola
Sistema Robotizatuak eta Ikusmen Artifiziala
Sistema Mekanikoak Diseinatzea eta Probatzea

Kontsultatu irakasgai guztiak

Hizkuntza-betekizunak

Ingeniaritza Mekatronikoko gradua hiru campusetan ematen da (Arrasate, Bilbao As Fabrik eta Galarretako Eko canpusa (Orona Ideo)) eta campus bakoitzak bere hizkuntza-eredua jarraitzen du.

Bilbao AS Fabrik campusa eta Galarretako Eko canpusa (Orona Ideo): irakasgaien %70 inguru gaztelaniaz ematen dira eta %30 inguru ingelesez. Hala ere, 1.mailako irakasgaiak euskaraz egiteko aukera dago (eskatzen duten ikasle kopurua nahikoa baldin bada).
Arrasateko campusa: irakasgaien %60 inguru euskaraz ematen dira, %20 inguru gaztelaniaz eta gainerako %20a ingelesez.

Komenigarria da izena eman aurretik campus bakoitzari dagozkion hizkuntza-gaitasunak eskuratu izana:

ARRASATEKO CAMPUSA

Hizkuntza	Irakurri	Hitz egin	Idatzi
Euskara	C1	C1	C1
Gaztelania	C1	C1	C1
Ingelesa	B2	B1	B2

BILBAO AS FABRIK CAMPUSA eta GALARRETA (ORONA IDEO)

Hizkuntza	Irakurri	Hitz egin	Idatzi
Gaztelania	C1	C1	C1
Ingelesa	B2	B1	B2