Maite Couto Ortega ikasleak BIKAIN kalifikazioa lortu zuen

Atzealdea

Maite Couto Ortega ikasleak BIKAIN kalifikazioa lortu zuen

TESIA

Maite Couto Ortega ikasleak BIKAIN kalifikazioa lortu zuen

2025·02·07

$titulo.getData()

  • Tesi titulua: Adopción de tecnología en PYMEs industriales: una aproximación a los sectores estratégicos de Gipuzkoa

Epaimahaia:

  • Lehendakaritza: Fernando Diez Ruiz (Universidad de Deusto)
  • Bokala: Jon Legarda Macón (Universidad de Deusto)
  • Bokala: Jaione Ganzarain Epelde (Gobierno Vasco)
  • Bokala: Ainhoa Goienetxea Uriarte (University of Skövde)
  • Idazkaritza: Noemi Zabaleta Etxebarria (Mondragon Unibertsitatea)

Laburpena:

Testuinguru batean non (i) berritzen duten eta merkatuaren aldaketetara egokitzen diren enpresek berme handiagoarekin ziurtatzen duten beren etorkizuna, (ii) enpresak eskualdeko berrikuntza-sistema baten parte diren eta (iii) aurrerapen teknologikoa funtsezkoa den hazkunde ekonomikorako eta garapen sozialerako, tesi honen helburu orokorra ondorengoa da: Gipuzkoako sektore estrategikoetako enpresa txiki eta ertain (ETE) industrialetan teknologia nola adoptatzen den ulertzea. Berrikuntzan duen bikaintasunagatik nabarmentzen den probintzia honetan, eskualdean agente zientifiko-teknologiko ugari egon arren, ETEek, oinarri ekonomiko nagusia izanik, erronka handia dute eragile horiekin eraginkortasunez lankidetzan aritzeko eta berritzeko.

Ikerketa gidatzeko, TOE-I marko teorikoa erabili da, erreferentziazko lau dimentsio bereizten dituena: teknologia-erakundea-ingurunea-gizabanakoa. Hiru helburu espezifiko (HE) zehaztu dira. Lehenik eta behin (HE1), literaturaren berrikuspen bat egin da faktoreen identifikazioan arreta jarriz eta 200 identifikatu dira eta beraien arteko antzekotasunen arabera 66tan antolatu dira. Ondorioztatu da horietatik 11 direla garrantzitsuak TAn. Jarraian (HE2), "top of mind" teknika kualitatiboa erabili da faktoreak modu espontaneoan identifikatzeko eta analisi kuantitatibo bat egin da faktoreen egokitasuna eta garrantzia baliozkotzeko. Azterketaren ondorioz TOE-I-Tr marko zabalagoaren proposamena egin da, bertan, "transferentearen" eremua gehitzen da eta ETEetako TAko 38 faktore garrantzitsu biltzen ditu. Jarraian adierazten dira markoan gehitutako faktoreak, letra etzanean literaturaren ondorioz onartutako faktoreak, letra lodiz modu espontaneoan identifikatutakoak eta gainontzekoak analisi kuantitatiboaren ondorioz onartutakoak:

  • Teknologia: hobekuntzak bilatzea, bateragarritasuna, abantaila erlatiboa, hautemandako onurak, hobekuntzak bilatzea, bateragarritasuna, abantaila erlatiboa, hautemandako onurak, fidagarritasuna, erabilera, tasa eta teknologiaren-testuingurua eta denbora aurreztea.
  • Erakundea: zuzendaritzaren laguntza, bezeroekin lotutako gaiak, baliabideak, berrikuntza, balioekin bat etortzea, estrategia, aurrera egiteko motibazioa, hazkunde- perspektibak eta azpiegitura.
  • Ingurunea: ziurgabetasuna.
  • Gizabanakoa: berrikuntza, ezagutza teknologikoak, langileengandik hautemandako gaitasun teknikoa, aldaketarekiko jarrera, LIrekiko jarrera, motibazio ekintzailea, esperientzia, trebetasunak, hautemandako jokabide-kontrola, kudeaketa-gaitasunak eta estatusa.
  • Transferentea: erlazio luzeak, hurbiltasun geografikoa, eskaintzen den zerbitzua, entregatzeko edo erantzuteko denbora eta ordaintzeko erraztasuna.

Bukatzeko (HE3), erdi-egituratutako elkarrizketak egin dira ETEetan TAren testuinguruak ulertzeko, eta emaitza hauek nabarmendu dira: i) profil teknologiko baxua eta teknologia prozesuetan produktuetan baino gehiago txertatzea, ii) erakunde-mailan, TA prozesuko elementuak eta horien berezitasunak identifikatu dira, talentua funtsezko mekanismoa izanik TArako, iii) ingurunean, TAn eragina duten erakundeak eta dagozkien rolak identifikatu dira, horietan estaldura desberdina hautemanez, iv) gizabanakoari dagokionez, CEOaren rola gakotzat identifikatu da eta belaunaldi-erreleboa eta talentua erronka gisa identifikatu dira, v) ETEek bereizi egiten dituzte epe laburra eta luzea hornitzaileekin eta ezagutza-sortzaileekin (transferenteak) dituzten harremanetan.

Laburbilduz, tesi honek TOE-I-Tr marko zabaldua proposatzen du eta aurretik identifikatu gabeko hamabi faktore gehitzen ditu. Gainera, agerian utzi du bost dimentsioek modu konplexuan elkarreragiten dutela, eta ETEen eta eskualdeko berrikuntza-sistemaren arteko lankidetza sustatuko duten laguntza-politika espezifikoen beharra azpimarratu da, AT eraginkor eta jasangarri bat bermatzeko, lurralde-lehiakortasun handiagoa lortze aldera.