DualECA 6. sinposiumaren baitan, jardunaldi erekia antolatu dugu martxoaren 23an

Atzealdea

DualECA 6. sinposiumaren baitan, jardunaldi erekia antolatu dugu martxoaren 23an

Duala

DualECA 6. sinposiumaren baitan, jardunaldi erekia antolatu dugu martxoaren 23an

Dual modalitatea Hezkuntza graduetan lantzen duten unibertsitateen arteko sinposiuma antolatu dugu Eskoriatzako campusean. Seigarren edizio honetan jorratuko dugun gaia: ‘Askotariko dual/alternantzia esperientziak ezagutzen: indarguneak eta erronkak’.

2023·03·01

$titulo.getData()

Martxoaren 23 eta 24an, Hezkuntzako graduetan alternantzia modalitatea lantzen duten unibertsitateen sinposiuma antolatu du Mondragon Unibertsitateak. Ekitaldien artean, martxoaren 23an, Askotariko dual/alternantzia esperientziak ezagutzen: indarguneak eta erronkak izenpean, bilkura jardunaldia antolatuko dugu Eskoriatzako campusean, D.0.3 aretoan, 14:15etan hasita.

  • Izen-ematea: DualECA 6. edizioa.

Mondragon Unibertsitateko Humanitate eta Hezkuntza Zientzien Fakultatearekin batera, seigarren edizio honetan parte hartuko dute Universitat de Lleidak, Universitat d'Andorrak, Universitat Jaume I-ek eta Mondragon Unibertsitateko Goi Eskola Politeknikoa eta Enpresagintza Fakultatetik etorritako ordezkariek. Modu honetan, DualECAk komunikazio-kanal bat irekitzen du beste diziplina batzuekin, irakaskuntza-ikaskuntza modalitate honetako erronkei eta indarguneei buruzko hausnarketa aberastu ahal izateko.

 

Aurtengo sinposiumaren gaia izango da alternantzia ereduek (nagusiki Hezkuntza graduetan, baina baita ingeniaritzak eta GADE kontuan hartuta) zein indargune eta erronka dituzten. Izan ere, azken urteetako esperientziatik ikus daitekeenez, alternantzia eta dualeko prestakuntza-modalitateek gora egin dute hainbat diziplinatan. Hortik abiatzen da ugaltzen ari diren esperientziak hurbilago ezagutzeko interesa, bere ereduetan zer indargune eta erronka hautematen dituzten jakiteko.

 

Sinposiuma egingo da Eskoriatzako campusean eta bi eguneko iraupena  izango du. Goizeko saioan, martxoaren 23an, DualECA sarean parte hartzen duten unibertsitateek euren saio monografikoa egingo dute practicumaren baitan egiten den ikastetxearen bisitaren inguruan. Bisita horren izaera formatiboaz arituko dira, eta baita eskola-unibertsitate loturaz ere. Bilkura horien helburua da partekatzea egiten diren praktika desberdinak. 

 

Edizio honek sortu nahi du kezken, erronken eta indarguneen mapa. Horrek aukera eman diezaguke Hezkuntzako prestakuntza dualaren egoeraren erradiografia bat egiteko, nahiko gaztea den eta orientabideen eta praktiken esparru egonkorrik ez duen modalitate batean.


Jardunaldiak jarraituko du martxoaren 24an, DualECAko partaideak bilduko dituen programan. Lehenik, EU4Dual proiektuaren berri emango du Mondragon Unibertsitateko Josu Galarzak; jarraian, Fakultateko alternantziako ikasleak jasotzen dituen ikastetxe bat bisitatuko dute.

Martxoaren 23ko ekitaldi irekiko egitaraua

14:15 Sarrera

  • Adolfo Morais (Eusko Jaurlaritzako Unibertsitate eta Ikerketako sailburuordea).
  • Nagore Ipiña (Mondragon Unibertsitateko Humanitate eta Hezkuntza Zientzien Fakultateko dekanoa).

14:30 Solasaldia

Askotariko dual/alternantzia esperientziak ezagutzen: indarguneak eta erronkak.

  • Universitat de Lleida: Lola Sanchez & Marc Clarà.
  • Universitat d'Andorra: Alexandra Saz & Virginia Larraz.
  • Goi Eskola Politeknikoa (Mondragon Unibertsitatea): Josu Galarza & Osane Lizarralde.
  • Enpresagintza (Mondragon Unibertsitatea): Iosu Lizarralde.
  • Universitat Jaume I: Maria Santagueda & Jesús Gil Gómez.
  • Humanitate eta Hezkuntza Zientzien Fakultatea (Mondragon Unibertsitatea): Edurne Galindez, Itziar Arregi & Arantza Ozaeta.

16:30 Kafea.

17:00 Ideiazio saioa: Dualaren erronkak elkarrekin ebazten.

18:00 Ondorioak.

18:30 Itxiera